Trajneri i Kombëtares, Silvinjo, së bashku me stafin e tij, ka nisur përgatitjet për ndeshjet e para të eliminatoreve të “Botërorit 2026”, ku Shqipëria do të përballet me Anglinë në “Uembli” dhe Andorrën në “Arenën Kombëtare”.
Pas një periudhe zhgënjyese në Ligën e Kombeve, Silvinjo është i fokusuar në krijimin e një ekipi konkurrues dhe është duke analizuar mundësitë taktike dhe lojtarët për sfidat e ardhshme.
Gjatë javës së kaluar, Silvinjo dhe ndihmësit e tij, Pablo Zabaleta dhe Doriva, ndoqën derbin shqiptar në Champions Ligë mes Sparta Pragës dhe Interit, ku Qazim Laçi dhe Kristjan Asllani dhuruan paraqitje të mirë. Përveç analizës së grumbullimit të titullarëve, ai po monitoron edhe lojtarë të tjerë që mund të jenë pjesë e listës për eliminatoret e Botërorit 2026.
Një nga lojtarët që ka tërhequr vëmendjen është Anis Mehmeti, i cili po kalon një sezon të shkëlqyer me Bristol Sitin në Championship, duke shënuar 9 gola dhe duke dhuruar një asist. Silvinjo është i gatshëm t’i japë mundësinë për të rikthyer Mehmetin në ekip, duke pasur parasysh përformancat e tij të shkëlqyera.
Ndeshja ndaj Anglisë në “Uembli” është një sfidë e vështirë, por Silvinjo ka besim se mund të shfaqen përmirësime dhe mund të përballen me një nga skuadrat më të forta të botës. Ai po punon për të krijuar një grup të balancuar mes lojtarëve me përvojë dhe energjisë së re për të përballuar sfidat e ardhshme.
Pse rrogat rriten në letra, por varfëria rritet në realitet?
