Egnatia është finalistja e dytë e Superligës, pasi barazoi 0-0 ndaj Partizanit në gjysmëfinalen e dytë të Final Four-it dhe u kualifikua falë renditjes më të mirë në sezonin e rregullt, të cilin e mbylli në vendin e parë.
Finalja e madhe do të zhvillohet më 12 maj në “Arenën Kombëtare”, ku Egnatia do të përballet me Vllazninë. Kjo e fundit eliminoi Dinamon të dielën me rezultatin 2-1.
Ky është sezoni i dytë radhazi që Egnatia arrin finalen e Final Four-it, duke konfirmuar vazhdimësinë në elitën e futbollit shqiptar.
