Një tragjedi ka ndodhur mesditën e sotme në Lamia, teksa ka ndërruar jetë papritur një foshnjë 10 muajshe.
Sipas raportit të LamiaReport, vogëlushja është dërguar pa ndjenja nga prindërit në Urgjencën e Spitalit të Lamisë, pikërisht në orën 14:30 të së mërkurës.
Aty mjekët e Pediatrisë dhe ICU bënë përpjekje mbinjerëzore për ta rikthyer në jetë, duke aplikuar teknika CPR dhe duke vazhduar me intubimin, por nuk arritën ta shpëtonin.
Për ngjarjen tragjike është njoftuar Policia dhe është urdhëruar kryerja e autopsisë në Mjekësinë Ligjore të Lamisë.
