SHBA
Robert De Niro ka shprehur mbështetje për vajzën e tij, Airyn e cila zbuloi se është transgjinore. Aktori 81-vjeçar është shprehur për People se nuk ka ndryshuar asgjë në dashurinë e tij për të bijën.
“E kam dashur dhe mbështetur Aaron si djalin tim dhe tani dua dhe mbështes Airyn si vajzën time. S’e kuptoj cili është problemi. I dua të gjithë fëmijët e mi”, u shpreh ai.
Airyn është një prej 7 fëmijëve të aktorit. Nëna e saj, Toukie Smith dhe De Niro janë prindër të Airyn dhe binjakut të saj, Julian. Ata erdhën në jetë përmes një nëne zëvendësuese në vitin 1995.
Airyn tha se është habitur nga vëmendja e menjëhershme mediatike pasi u ka qëndruar larg prozhektorëve.
“Asnjë prind s’është i përsosur, por jam mirënjohëse që të dy prindërit e mi u dakordësuan që të më mbanin larg vëmendjes. Ata donin të ishin të rezervuar. Më kanë thënë që donin që unë të kisha një fëmijëri sa më normale të ishte e mundur”, tha ajo gjatë intervistës për Them.
