Dritat veriore ndriçuan qiejt në të gjithë Mbretërinë e Bashkuar dhe Evropën disa herë këtë vit, dhe ekspertët parashikojnë se viti 2025 do të jetë një vit i mrekullueshëm për të parë shfaqjen e dritës, shpesh të pakapshme.
Fenomeni verbues natyror, i njohur gjithashtu si aurora borealis, ka qenë veçanërisht aktiv në fund të vitit 2024 dhe kjo do të vazhdojë edhe vitin e ardhshëm.
Aurorat, të cilat më së shpeshti shihen në gjerësi të larta polare, por mund të përhapen edhe në jug, ndikohen kryesisht nga stuhitë gjeomagnetike që vijnë nga aktiviteti në diell.
Këtu janë vendet më të mira në Evropë për të kapur shfaqjen e dritës në 12 muajt në vijim.
Islanda
Koha më e mirë për të parë dritat veriore në Islandë është midis shtatorit dhe prillit, kur qiejt janë të errët dhe të kthjellët, dhe temperatura është e ftohtë dhe e thatë. Sa më e errët të jetë, aq më e madhe është mundësia për të parë ngjyrat e gjalla të aurorës.
Norvegjia
Norvegjia veriore është e errët nga pasditja deri në mëngjes vonë, kur dritat veriore udhëtojnë shpesh nëpër qiell. Kjo pjesë e Norvegjisë, me ishujt e saj të shumtë, fjordet e thella dhe malet e thepisura, është një nga vendet më të bukura dhe më interesante në botë ku mund të shihni dritat veriore.
Finlanda
Koha më e mirë për të vizituar pjesët veriore të Finalandës për të kapur një paraqitje të shkurtër të aurorave, është midis gushtit dhe prillit. Ndërsa dimri është koha më e njohur për vizita, vjeshta dhe pranvera janë në fakt stinët më aktive të dritave veriore.
Në LaplandënVeriore, aurorat shkëlqejnë pothuajse çdo natë tjetër të kthjellët midis shtatorit dhe marsit, ndërsa në Finlandën jugore ato janë të dukshme vetëm rreth 10-20 netë në vit. Drejtohuni në veri kudo afër dhe mbi Rrethin Arktik, edhe nëse qielli i natës duket i pastër dhe plot yje, ju keni një shans të mirë për të parë dritat veriore. Qëndroni larg dritave dhe ndërtesave të ndritshme: majat e kodrave dhe brigjeve të liqeneve, janë pikat më të mira të favorshme.
Skoci
Skocia Veriore shtrihet në të njëjtën gjerësi gjeografike si Stavanger në Norvegji dhe Nunivak Island në Alaskë, që do të thotë se ju keni një shans të mirë për të dalluar “Kërcimtarët Mirrie”.
Në Hebridet, dritat mund të shihen në Lewis, Harris dhe në majën më veriore të Skye. Më në veri, ju gjithashtu mund të kapni dritat në Shetland, Orkney dhe Caithness. Vende të tilla si Applecross, Lochinver dhe në veri të Ullapool janë pika të shkëlqyera në bregun perëndimor dhe veriperëndimor të Skocisë për të kapur një paraqitje të shkurtër të aurora borealis.Rannoch Moor, Perthshire dhe Cairngorms janë të gjitha vendet, ku dritat janë parë në Skocinë qendrore.
Grenlanda
Dritat veriore në fakt ndodhin gjatë gjithë vitit, por nuk mund të shihen gjatë muajve të verës në Grenlandë, për shkak të diellit të mesnatës.
Fenomeni më së miri përjetohet në një natë të errët dhe të kthjellët, në periudhën nga shtatori deri në fillim të prillit.
Nëse jeni duke udhëtuar gjatë kësaj periudhe, ju mund të shihni dritat veriore nga kudo në vend, ndërsa në Grenlandën jugore dritat veriore mund të shihen që nga fundi i gushtit.
Suedia
Dritat veriore shfaqen në fillim të shtatorit në dhe rreth Kiruna, në veriun e largët të Suedisë. Qielli bëhet i gjallë ndërsa vijat rozë, jeshile dhe vjollcë kërcejnë lart. Dhe në kohën kur dimri ka filluar plotësisht rreth janarit, dritat veriore mund të shihen në të gjithë LAplandën suedeze – hapësira e madhe e tokës në Suedinë veriore, që mbulon gati një të katërtën e vendit. Pamjet e fundit të këtyre ylberëve të valëzuar mund të kapen deri në fund të marsit, apo edhe në fillim të prillit./ The Guardian.
