Presidenti Donald Trump ka deklaruar se ka shtuar tarifën për mallrat e Kinës në 125% dhe se ky vendim hyn në fuqi menjëherë.
“Bazuar në mungesën e respektit që Kina ka treguar ndaj tregjeve botërore, unë po e rris tarifën e vendosur ndaj Kinës nga Shtetet e Bashkuara të Amerikës në 125%, hyn në fuqi menjëherë”, – ka shkruar Trump ne rrjetin social “Truth Social”.
Donald Trump njoftoi gjithashtu një pauzë 90-ditore të tarifave të reja për dhjetëra vende. Në të njëjtin postim, Trump thotë se ka autorizuar një pauzë 90-ditore për tarifat e reja, e cila do të zbatohet për vende të tjera, përveç se Kinës.
Ai tha se gjithashtu ka ulur tarifat në 10%. Kujtojmë se në fillim të këtij muaji, presidenti amerikan njoftoi një tarifë “bazë” prej 10% për të gjitha vendet.
Sakaq ai njoftoi sot se tarifat e reja do të ndërpriten për 90 ditë dhe në vend të kësaj “tarifa reciproke” do të jetë 10%.
“Bazuar në faktin se më shumë se 75 vende kanë thirrur Përfaqësuesit e Shteteve të Bashkuara për të negociuar një zgjidhje për temat që po diskutohen në lidhje me Tregtinë, Barrierat Tregtare, Tarifat, Manipulimin e Monedhave dhe Tarifat Jomonetare, dhe se këto vende nuk kanë riformuar apo sugjeruar nga ana ime, në asnjë mënyrë, kundër sugjerimit tim, autorizoj një PAUZË 90 ditore dhe një tarifë reciproke të reduktuar ndjeshëm gjatë kësaj periudhe, prej 10%, gjithashtu, e cila hyn në fuqi menjëherë”, ka shkruar Trump.
