Kylian Mbappe, kapiteni i Francës foli pas eliminimit që kombëtarja e tij pësoi nga Spanja në gjysmëfinalet e Euro 2024.
Paçka se kaluan të parët në epërsi pas nëntë minutash, “Gjelat” u përmbysën 2-1 nga Spanja.
Pas ndeshjes Mbappe e pranon që ky Evropian ishte një dështim, paçka se donte ta fitonte.
“Doja të bëhesha kampion evropian, por nuk ndodhi. Në futboll, ose je i mirë ose jo i mirë dhe unë nuk isha i mirë. Evropiani im ishte një dështim.
Tani do të shkoj me pushime, do të pushoj mirë. Do të më bëjë shumë mirë, pastaj do të përgatitem për të filluar një jetë të re. Ka shumë për të bërë”, tha Mbappe.
