Kristiano Ronaldo ka folur në një intervistë për televizionin spanjoll “La Sexta”, ku ka komentuar largimin e tij nga Real Madrid në vitin 2018, pas fitores së Ligës së Kampionëve në Kiev.
Portugezi ka treguar se nuk ndihmoi për marrëdhënien e tij me presidentin e klubit, Florentino Pérez, i cili sipas Ronaldo-s nuk u tregua shumë dashamirës dhe nuk i dha motivimin që ai kërkonte. “Doja një skenë tjetër, skena ime ishte e mbyllur,” ka thënë Ronaldo, duke shtuar se ai kishte dhënë fjalën për të kaluar te Juventus dhe se presidenti Pérez pranoi largimin e tij.
Megjithatë, Ronaldo e ka vlerësuar shumë presidentin e Realit për seriozitetin e tij dhe për sukseset që arritën së bashku. Ai gjithashtu nuk e përjashton mundësinë për t’u kthyer një ditë në Santiago Bernabéu, duke thënë: “Një ditë ndoshta. Nuk e përjashtoj. Kam lënë një trashëgimi atje, një gjurmë të bukur.” Ai theksoi se mund të kthehej për të bërë diçka speciale, duke u përshëndetur me tifozët, ndoshta kur të mbyllë karrierën.
