Tirana, pas një dite pushim, nisi përgatitjet për sfidën me Skënderbeun. Shkëmbi për 20 minuta bëri një mbledhje me skuadrën në fushën me bar artificial të “Skënder Halilit”. Më pas nisi puna. Ian Soler provoi të stërvitej, por ndjeu dhimbje dhe braktisi përgatitjet.
Tirana do e presë Skënderbeun në “Elbasan Arena”. Sfida e vlefshme për javën e 25-të të Superiores do të luhet të dielën në orën 16:30. Të dyja klubet kanë rënë dakord për zhvillimin e ndeshjes në Elbasan. Kështu bardheblutë rikthehen sërish atje, pasi kishin pritur përballjen me Elbasanin në “Niko Dovana”.
Ky duel për mbijetesën është mjaft delikat. Aktualisht Skënderbeu mban vendin e fundit me 3 pikë më pak se Tirana e parafundit. Kujtojmë që Tirana do të ketë nëntë mungesa, duke filluar me Gjumsin, Markun, Micin, Kozin të ndëshkuar me të kuq.
Dy janë lojtarët që nuk do të luajnë, pasi kanë mbushur numrin katër të kartonëve të verdhë. Ata janë Akileu Ndreca dhe Florjan Përgjoni. Tre janë lojtarët e dëmtuar para ndeshjes me Skënderbeun. Ismajli, Soler dhe Haxhiu rreshtohen në infermieri dhe zor se do të jenë në fushën e lojës.
