Blutë synojnë t’i bëjnë mbylljen perfektë 2024-ës, që do të thotë fitore ndaj kampionëve në fuqi. Trajneri Daja dhe stafi i tij po e përgatisin skuadrën që ta përballojë në mënyrën e duhur edhe këtë 90- minutësh të fundit të këtij viti.
Gjatë kësaj jave kanë shfaqur probleme mesfushori Bakari Gudiabi për shkak të një virozë dhe sulmuesi Eridon Qardaku për një shqetësim muskulor. Shkodrani sapo ishte kthyer nga dëmtimi dhe është ndalur sërish.
Sa i takon Gudiabit, i cili është një titullar i rëndësishëm, pritet që të rikuperohet në kohë për të qenë në fushë të shtunën ndaj Egnatias. Me grupin që në fillim të javës është bashkuar edhe Dejvi Bregu.
