Ish-banorja e “Big Brother VIP 4”, Danja Koka ka folur sot në një intervistë televizive për projekte të reja, ku do ta shohim. Ajo ka folur më shumë për eksperiencën e saj në këtë reality show, si dhe planet e saj të ardhshme tani pas daljes nga shtëpia më e famshme në Shqipëri…
Angazhimi i saj i ardhshëm ishte surprize. Është programi “Yjet Shqiptar të Diasporës”.
Shumë shpejt. Është një projekt i fondacionit Dritan Hoxha. Jam e nderuar të jem pjesë dhe për ftesën që më bënë. Është një projekt që ka shërbyer si mozaik për të përmbledhur dhe për të sjellë në Shqipëri talente të fushave të ndryshme të botës së artit, kudo ku jetojnë shqiptarë. Është një projekt që ka zbuluar talente në botën e artit, në këngë, balet, vallëzim dhe janë performues të mrekullueshëm. Një mozaik që do të vijë në Shqipëri për gjysmëfinale dhe finalen, janë gjithsej 22 gjysmëfinalistë që vijnë në Tiranë dhe është një garë në kuptimin e plotë të fjalës. Unë jam moderatore. Juria do të japë vlerësimet maksimale për performancat më të mira. Nga ana tjetër edhe publiku ka mundësinë që të votojë për atë që pëlqen më shumë, në website-in e Top Channel.
Përveç votave nga juria, do t’i bashkangjiten edhe votat e publikut dhe ai do të jetë ylli i diasporës shqiptare. Jam e lumtur sepse ky projekt hap siparin për një kapitull të ri për mua. Jam e nderuar. Kam një dashuri për televizonin. Është një hap shumë i rëndësishëm. Kemi pak ditë që kemi nisur punë për gjysmëfinalen dhe finalen. Do të mrekulloheni, janë performanca të shkëlqyera dhe talente të jashtëzakonshme.
