Mijëra punëtorë ndërkufitar të Gazës në Izrael dhe Bregun Perëndimor të pushtuar u kthyen sot në Gaza, kanë thënë disa dëshmitarë për mediat gjermane.
Disa nga punëtorët e Gazës u kthyen përmes kalimit Kerem Shalom, në lindje të pikës kufitare Rafah midis enklavës së rrethuar dhe Egjiptit, shtuan ata.
“Izraeli po ndërpret çdo kontakt me Gazën. Nuk do të ketë më punëtorë palestinezë nga Gaza. Ata punëtorë nga Gaza që ishin në Izrael në ditën e shpërthimit të luftës do të kthehen në vendin e tyre”, thuhet në një postim nga zyra e kryeministrit Benjamin Netanyahu në X.
Kabineti i sigurisë i Izraelit gjithashtu ra dakord të “zbriste të gjitha fondet e përcaktuara për Rripin e Gazës… nga fondet e Autoritetit Palestinez [PA]”.
PA ka kontroll mbi zonat e Bregut Perëndimor të pushtuar, por jo mbi Rripin e Gazës të drejtuar nga Hamasi. Rreth 18,500 palestinezë nga Gaza kishin marrë leje për të hyrë në Izrael përpara sulmit vdekjeprurës të 7 tetorit nga militantët e Hamasit.
Që atëherë, Izraeli ka nisur një bombardim hakmarrës të Rripit. Më shumë se 9,000 njerëz janë vrarë këtu, sipas ministrisë së shëndetësisë të drejtuar nga Hamasi.
