Chelsea i ka idetë e qarta. Blutë dëshirojnë që të firmosin me Jadon Sancho, pasi sulmuesi anglez, i huazuar nga Manchester United, ka bindur me paraqitjet e tij.
Londinezët synojnë që të gjejnë gjuhën e përbashkët me “Djajtë e kuq”, në mënyrë që të blihet përfundimisht kartoni i Sancho.
24-vjeçari, ka shënuar dy gola dhe ka dhuruar pesë asiste, në 12 ndeshje në të gjitha garat këtë sezon. Futbollisti, është një nga më të preferuarit e Marescas, me trajnerin që beson shumë te aftësitë e lojtarit.
