FIFA bëri me dije se pagesa për klubet që lirojnë lojtarë për Kupën e Botës të vitit të ardhshëm do të jetë plot 300 milionë euro.
Vendim ky shumë i rëndësishëm i institucionit më të rëndësishëm të futbollit, pasi bëhet fjalë për një rritje prej 70 përqind në krahasim me edicionin e vitit 2022.
Marrëveshja e skemës së re të përfitimeve, e arritur në bashkëpunim me Shoqatën së Klubeve Evropiane (ECA), përfshin për herë të parë lojtarët e ftuar në kualifikuese, por që nuk figurojnë në turneun me 48 ekipe të vitit 2026, të bashkëorganizuar nga SHBA-të, Kanadaja dhe Meksika.
“Një shumë rekord prej 355 milionë dollarësh do t’u shpërndahet klubeve për lirimin e lojtarëve të tyre, duke forcuar partneritetin tonë të fortë me Shoqatën Evropiane të Klubeve dhe klubet në të gjithë botën, ndërsa përgatitemi për një edicion historik dhe gjithëpërfshirës të Kupës së Botës vitin e ardhshëm”, tha presidenti i FIFA-s, Gianni Infantino.
