Biden: Do marr pjesë në inaugurimin e Trump, nuk do ndjek shembullin e tij ‘fëmijëror’ 4 vite më parë
Presidenti në largim i Shteteve të Bashkuara, Joe Biden, ka njoftuar se do të marrë pjesë në ceremoninë e inaugurimit të Presidentit të zgjedhur, Donald Trump, muajin e ardhshëm. Ai konfirmoi vetë praninë e tij në këtë ceremoni, duke theksuar se nuk do të ndiqte veprimin “fëmijëror” të Trumpit, i cili refuzoi të merrte pjesë në inaugurimin e Biden në janar 2021, pas humbjes në zgjedhjet e 2020-ës.
Trump bëri histori si presidenti i parë në 150 vjet që nuk mori pjesë në inaugurimin e pasardhësit të tij, duke shkelur një traditë që ka simbolizuar kalimin paqësor të pushtetit në SHBA. Ai gjithashtu nuk e ka pranuar kurrë humbjen ndaj Biden, duke vazhduar të hedhë akuza të pabaza për mashtrim në zgjedhje.
Kjo situatë çoi në një tranzicion të kaotik të administratës së Biden, ku vonesat në financim dhe aksesin në shërbimet federale ndikuan në kalimin e pushtetit. Përkundër kësaj, Biden ka treguar një qëndrim më të matur dhe ka ftuar Trumpin në Shtëpinë e Bardhë pas fitores së tij në zgjedhjet e 2020-ës, ku të dy u takuan në një atmosferë “shumë të përzemërt”. Administrata e Biden ka ndjekur procedurat tradicionale të kalimit të pushtetit, duke përshëndetur këtë si një hap të rëndësishëm në forcimin e demokracisë amerikane.
