Presidenti i Shqipërisë, Bajram Begaj, ka uruar Donald Trumpin pas betimit si presidenti i 47-të i Shteteve të Bashkuara.
Përmes një postimi në platformën X, Begaj shprehu urimet më të ngrohta për Trumpin në këtë ditë të rëndësishme të inaugurimit.
Në postimin e tij, Begaj theksoi: “Urimet më të përzemërta në ditën tuaj të inaugurimit si Presidenti i 47-të i Shteteve të Bashkuara të Amerikës, Donald Trump. SHBA mbetet dëshmi e patjetërsueshme e vlerave të demokracisë dhe burim paqeje dhe sigurie. Shqipëria është krenare për aleancën dhe miqësinë e saj të fortë me SHBA-në dhe mbetet e përkushtuar për të forcuar më tej partneritetin tonë.”
