Egla Ceno, fituesja e edicionit të kaluar të “Big Brother VIP Albania”, ka reaguar në rrjete sociale në lidhje me diskutimet për finalen e afërt dhe lojën e Gerta Gixharit. E pyetur nga ndjekësit se kush do ta fitojë mes “Gjestit apo Gjestit” – një thumbim ironik për finalistët – Egla ndau mendimin e saj, duke përmendur edhe Gertën, një nga personazhet më të komentuar të këtij sezoni.
“Nje përqindje e atyre që të kanë suportuar ty, donin Gertën, prandaj janë të mërzitur,” i shkroi një ndjekës. Egla iu përgjigj me një koment të drejtpërdrejtë dhe reflektues:
“Mendoj që Gerta ka bërë një lojë të mirë, pavarësisht se nuk ka lidhje me lojën time.”
Ajo theksoi se fitorja i takon atyre që guxojnë dhe që publiku i beson deri në fund. “Fituesi e ka të shkruar në ballë fitoren, jo në dëshirën për të fituar,” shtoi ajo, duke lënë të nënkuptohet se loja nuk është vetëm për strategji, por për autenticitet.
Në fund, Egla i kujtoi të gjithëve që “është thjesht një garë”, duke kërkuar një qasje më të shëndetshme ndaj realitetit televiziv.
