Bajerni i Mynihut ka shënuar fitore e radhës në kampionat, teksa mposhti me rezultatin 1-3 në udhëtim Augsburgun, në kuadër të javës së 28-të në elitën e futbollit gjerman.
Vendasit kaluan në epërsi në minutën e 30-të përmes grekut Dimitrios Xhianulis i cili shënoi për rezultatin 1-0.
Bavarezët ia dolën të reagojnë duke barazuar shifrat në 1-1 në minutën e 42-të me Musialën, i cili u asistua nga Lori Sane.
Bajerni pati një mundësi të artë shënimi në minutën e 52-të duke goditur traversën përmes Olise. Në minutën e 54-t, skuadra e Kompani humbi yllin Musiala, i cili u dëmtua dhe la fushën, duke u zëvendësuar nga Myler.
Në minutën e 59-të Augsburgu mbeti me një lojtar më pak në fushë pasi Cedric Zesiger mori kartonin e dytë të verdhë.
Goli i përmbysjes për Bajernin erdhi në minutën e 61-të përmes Harry Kane i cili realizoi me kokë për 2-1 pas asistimit perfekt të Olise.
Për rezultatin përfundimtar të takimit 3-1 u përkujdes Chrislain Matsima i cili shkaktoi autogol në minutën e 93-të.
