Kreu i LSI-së, Ilir Meta, është treguar gjithmonë i kujdeshëm për të treguar balanca në politikë. Ai vendos në funksion të tij përherë shprehjen, “tërhiqe, mos e këput”.
Ky qëndrim u duk edhe sot, kur Lulzim Basha nga çadra e opozitës e përshëndeti deklaratën e Metës lidhur me përmbushjen e të gjitha garancive për pjesëmarrjen e opozitës në zgjedhje.
“Një nga dy partnerët e koalicionit bëri dje një zgjedhje. Nëse kjo zgjedhje është e sinqertë, ajo mirësevjen tek Shqipëria dhe shqiptarët të parët”, tha Basha. Ai ka paralajmëruar kryeministrin, duke thënë se “pengesa e vetme që vendos pushtetin mbi interesat publike, ka orën e fundit për të reflektuar”. “Asnjë pazar nuk mund dhe nuk do të luhet me fatin e zgjedhjeve të lira e të ndershme”, ka thënë Basha.
