Një aksident trafiku ka ndodhur mbrëmjen e sotme në nënkalimin e Rrethit me Flamur në Prishtinë. Ngjarja ka shkaktuar kaos, por deri tani nuk ka informacione zyrtare nëse ka persona të lënduar.
Ekipet e policisë dhe shërbimet emergjente janë parë në vendngjarje, por ende nuk janë bërë publike detaje mbi shkakun e aksidentit apo numrin e përfshirëve.
Gazetarët e mediave të ndryshme kanë tentuar të kontaktojnë me zyrtarët e Policisë së Kosovës për të marrë më shumë informacion mbi rastin, por ata nuk kanë dhënë asnjë deklaratë deri tani.
Ndërkohë, trafiku në këtë zonë është rënduar si pasojë e aksidentit, ndërsa drejtuesit e automjeteve këshillohen të ndjekin udhëzimet e policisë për të shmangur bllokimet.
Pritet që policia të ofrojë informacione të mëtejshme në lidhje me ngjarjen në orët në vijim.
