Detaje të reja mësohen më shumë në lidhje me atentatin e ndodhur këtë të martë, 11 nëntor 2025 pranë Rinasit.
I plagosuri në këtë atentat mbeti shtetasi Muçi Shaljani alias Sheqeri, që dyshohet se është edhe agjent i AMP-së.
Siç raporton gazetari Besar Bajraktaraj për Klan News, makina, në drejtim të së cilës u qëllua, nuk ka qenë e blinduar, por xhamat ishin të veshur me material, që thyhet me vështirësi.
Shaljani dhe Gilmando Dani ishin kthyer ditën e sotme nga jashtë shtetit. Ata kishin ikur nga vendi më datë 7 nëntor dhe automjetin e kishin parkuar në aeroportin e Rinasit.
Makina e djegur dyshohet se ka armë brenda. Policët nuk janë afruar, sepse ka ende plumba nga zjarri.
