Ish-kreu i Bindje Demokratike Astrit Patozi ka folur sot për zgjedhjet e 14 vendore të majit dhe situatën në PD.
Ai u shpreh në një intervistë për “ABC News” se gara për Bashkinë e Tiranës në këto zgjedhje nuk ka rivalitet. Patozi bën përgjegjës për këtë koalicionin Berisha-Meta, si dhe PD-në zyrtare.
“Gara e kryeqytetit, është busulla e orientimit të shoqërisë drejt faktorëve politike. Shpreh keqardhje të thellë, që për fat të keq gara e Tiranës është gara më parivalitet.
Këtë e tregojnë sondazhet, por edhe atmosfera politike që ndjehet për ata që dinë të lexojnë pas rreshtave. Ne mund të kemi garë në shumë qytete të tjera, por kjo për fat të keq nuk ka për të ndodhur në Tiranë.
Bëj përgjegjës për këtë koalicionin e Berishës dhe Metës, po edhe PD në vecanti që është shkaktarja kryesore e uljes së pritshmërive të opozitës në kryeqytet.”- Patozi.
Theksojmë se kandidat i koalicionit “Bashkë Fitojmë” për Bashkinë e Tiranës është Belind Këlliçi, ndërsa nga PD e Enkelejd Alibeajt është Roland Bejko, të cilët do kenë përballë Erion Veliajn.
