Në një postim në rrjetin social ‘X’, Presidenti Joe Biden ka njoftuar se do t’i drejtohet kombit për situatën e zjarreve që po shkatërrojnë Los Anxhelosin.
Biden, i cili kishte planifikuar një udhëtim tre-ditor në Itali, e anuloi atë për shkak të situatës alarmante në Kaliforni. Presidenti tha se ka marrë një përditësim të parë mbi situatën në mëngjesin e sotëm.
Biden do të mbajë një fjalim televiziv për reagimin federal ndaj zjarreve dhe katastrofës që po ndodh.
