Të paktën 22 persona kanë mbetur të vdekur dhe mbi 59 të tjerë janë plagosur pas një sulmi terrorist në Angli, në qytetin e Manchesterit.
Dy shpërthimet ndodhën gjatë koncertit të këngëtares Ariana Grande mbrëmjen e së hënës në “Manchester Arena”.
Sipas medieve vendase, dyshohet se bëhet fjalë për një sulm terrorist të ISIS, ndërsa autoritetet vendase po hetojnë për gjetjen e autorëve.
“Të gjithë filluan të vrapojnë dhe të ulërasin. Në tokë shikoje telefona dhe sende personale të njerëzve, të cilët ishin të frikësuar dhe duke qarë”, tha një dëshmitar.
Policia vendase ka mbyllur stacionin e metrosë, Manchester Victoria, ndërsa bën thirrje që njerëzit të qëndrojnë sa më larg vendit të ngjarjes.
“Ariana është mirë. Ne vazhdojmë të hetojmë se çfarë ka ndodhur”, tha një zëdhënës i këngëtares.
Sipas dëshmitarëve, shpërthimi ndodhi në pjesën e prapme të arenës, pasi Grande kishte interpretuar këngën e fundit të koncertit.
[ngg_images source=”galleries” container_ids=”136″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
