Ambasada e Shteteve të Bashkuara në Greqi ka njoftuar shtyrjen e dy aktiviteteve të planifikuara me rastin e Ditës së Pavarësisë më 4 korrik, duke përmendur si arsye zhvillimet e fundit në Lindjen e Mesme.
Përmes një deklarate zyrtare, ambasada bëri të ditur se është anuluar eventi i parashikuar për datën 25 qershor në Sallën e Koncerteve Megaron në Athinë, si dhe një tjetër aktivitet në Selanik, më 2 korrikut.
“Falënderojmë të gjithë mysafirët tanë për bashkëpunimin e tyre të vazhdueshëm me Misionin e SHBA-së në Greqi”, thuhet në njoftim.
Ambasada nuk dha detaje të mëtejshme, por vendimi vjen në një moment tensioni të shtuar në Lindjen e Mesme, ku zhvillimet e fundit kanë përfshirë ndërhyrje ushtarake dhe përshkallëzim të situatës mes Iranit nga njëra anë dhe SHBA-Izrael nga ana tjetër.
