Një aksident tragjik u shënua ditën e djeshme në në zonën e Edessas në Greqi, në afërsi të Selanikut, ku humbën jetën pesë shqiptarë.
“Protothema” shkruan se shqiptarët që kanë humbur jetën janë të moshës: 55-vjeç, një 50-vjeçar, një 19-vjeçar, një 16-vjeçar dhe një person tjetër, identiteti i të cilit ende nuk dihet. Drejtuesi i mjetit që u përfshi në aksidentin fatal është 55 vjeçari.
Shqiptarët ishin punëtorë sezonalë dhe po ktheheshin në zonën ku banonin. Mediat greke shkruajnë se zjarrfikësit menjëherë pasi u njoftuan për aksidentitn kanë shkuar në vendngjarje bashkë me ekipet mjekësore dhe kanë bërë përpjekje mbinjerëzore për të shpëtuar pasagjerët, por fatkeqësisht ata kishin ndërruar jetë.
Mercedesi E Class me të cilin ata udhëtonin nga Unaza e Edessës për në Malin e Zi ka dalë nga korsia dhe është futur në sensin e kundërt të lëvizjes, ku është përplasur “kokë më kokë” me një kamion. Edhe nga foto shihet se makina me të cilën udhëtonin shqiptarët shtë bërë “copa”.
