Një aksident ajëror u shënua ditën e djeshme në Rusi, ku thuhet se humbi jetën kreu i grupit marcenar Wagner, Yevgeny Prigozhin dhe nëntë të tjerë.
Agjencia Federale për Transportin Ajror të Rusisë konfirmoi lajmin se një avion me 10 pasagjerë në bord u rrëzua në Tver, të Moskës. Në listën e pasagjerëve të cilët po udhëtonin në këtë avion ndodhej dhe emri i shefit të Wanger.
Mirëpo BBC, shkruan se avioni privat që u rrëzua në Rusi ishte në Embraer Legacy 600. Embraer Legacy 600 me bazë në Brazil hyri në shërbim në vitin 2002 me pothuajse 300 avionë të prodhuar deri më tani.
Modeli ka një rekord shumë të mirë sigurie, ka pasur vetëm një aksident në më shumë se 20 vjet shërbim, sipas faqes së internetit International Aviation HQ.
Incidenti, i cili ndodhi në vitin 2006 kur një prej avionëve po fluturonte nga një fabrikë Embraer në Brazil për në SHBA, dhe incidenti ndodhi për shkak të një gabimi njerëor dhe një dështimi mekanik.
Në lidhe me ngjarjen, kompania Embraer ka thënë se ishte në dijeni të një aksidenti avioni Legacy 600 në Rusi, por nuk kishte informacione të mëtejshme për rastin.
Në qershor të këtij viti, Progozhin udhëhoqi trupat e tij në një rebelim të shkurtër kundër presidentit të Rusisë, Vladimir Putin. E gjithë kjo kryengritje filloi pas përplasjeve të brendshme midis Wagnerit dhe ministrisë së mbrojtjes së Rusisë për drejtimin e luftës. Prigozhin akuzoi vazhdimisht ministrinë për dështimin e furnizimit të grupit të tij me municion, prandaj dhe atë u ngritën duke kërcënuar luftë në zemër të Rusisë.
Pasi morën kontrollin e qytetit jugor rus të Rostov-on-Don grupi Wanger u zhvendosën drejt Moskës, me qëllimin e deklaruar për të hequr udhëheqjen ushtarake. Megjithatë, Prigozhin ndaloi përparimin e këtij grushti shteti pas negociatave të bëra me Kremlinin, të cilat u ndërmjetësuan nga udhëheqësi bjellorus Alexandër Lukashenko.
Sipas një marrëveshjeje për t’i dhënë fund kryengritjes, akuzat kundër Prigozhin u hoqën dhe atij iu ofrua një lëvizje në Bjellorusi. Ishte Vladimir Putin ai cili doli në një deklaratë ku foli për kryengritjen e Wanger në Rus. Ai vendosi kushte për mercenarët, ku kërkoi tërheqjen e tyre dhe largimin për në Bjellorusi.
Mirëpo, qytetarët dhe një sërë figurash të njohura nuk kanë besuar se Putin do e falte Prigozhin për të cilin tha se e goditi pas shpine.
