I ftuar në emisionin “Fair Play nga Enkeleida Zeko” në “News 24”, Klevis Balliu, deputeti i Partisë Demokratike, foli për golin që Januzaj shënoi sonte kundër Anglisë.
“Shqiptarët po shkëlqejnë si te Zvicra ashtu edhe te Belgjika.” E prisje që Januzaj ashtu si Xhaka dhe Shaqiri të bënte simbolin e shqiponjës te goli?
“Me simbolin ose pa simbolin Januzaj e do këtë vend. Sa më shumë të ecin shqiptarët në botë aq më mirë është për ne.
Belgjika ndoshta nuk është quajtur pretendente por unë mendoj se mund të arrijë në finale. Ajo ka një lojë shumë të bukur. Argjentina përshembull, pavarësisht se unë jam tifoz, nuk ka një lojë të rrjedhshme, ndryshe nga Belgjika. Belgët duhen parë me kujdes së nuk i dihet.”
