Një tjetër situatë mjaft e tensionuar ka ndodhur në “Për’puthen” dhe kësaj radhe është Neda ajo që ka patur një përplasje me Aurelin.
Ndërkohë që djemtë dhe vajzat janë në kërkim të dashurisë, shpesh herë marrëdhëniet mes tyre tensionohet, duke shkaktuar debate të mëdha në studio.
Debati më i fundit ka ndodhur mes opinionistes së njohur dhe Aurelit dhe gjithçka ka nisur pasi ky i fundit ka ofenduar Giselen, një tjetër konkurrente të programit, gjë që nuk është pritur aspak mirë nga Neda.
“Me realitetin shqiptar, mendoj se Gisela i ka lëshuar pëllumbat“, dëgjohet të thotë Aureli në një klip.
Pas këtij komenti, Neda ka reaguar ashpër, duke thënë: “Kjo që bërë ti është vërtet turp dhe nuk të bën nder. Në qoftë se e ke tallur, nuk e ke tallur, ti brenda vetes e di, por njerëzit atje jashtë edhe neve këtu mos na merr për budallenjë”.
Kjo nuk është hera e parë që Aureli përballet me kritika, madje edhe përdoruesit e rrjeteve sociale vazhdimisht e kanë kritikuar Aurelin për sjelljen e tij.
