Një 11-vjeçar është goditur nga rryma elektrike teksa po luante në një kënd lojërash në Nea Joni në Greqi, por fatmirësisht ka shpëtuar.
Mediat greke shkruajnë se fëmija ishte duke luajtur me shokët e tij kur vuri dorën mbi telat e zhveshur që dilnin nga një shtyllë elektrike. Djali u godit nga rryma dhe ra në tokë, duke u përpëlitur nga dhimbjet.
Nëna e tij, e cila ndodhej aty pranë, vrapoi në ndihmë, ndërsa 11-vjeçari ankohej për dhimbje në zemër.
“Fëmija ishte shtrirë në tokë dhe bërtiste ‘Më dhemb, dhemb’”, tha nëna e fëmijës.
