Kompania që kishte në pronësi nëndetësen e humbur “Titan” i ka shpallur të vdekur pesë pjesëtarët e ekuipazhit.
Në një deklaratë për mediat, OceanGate ka shprehur ngushëllimet për jetët e humbura në këtë tragjedi dhe për familjarët e tyre, teksa ka falënderuar ekuipazhet që morën pjesë në mision kërkim-shpëtimin.
Nëndetësja, e cila conte turistët për të parë rrënojat e anijes ‘Titanikut’ është zhdukur në Oqeanin Atlantik më 19 maj. Nëndetësja u zhduk në të njëjtën zonë ku u mbyt edhe ‘Titaniku’.
Deklarata e plotë e OceanGate:
CEO ynë Stockton Rush, Shahzada Dawood dhe djali i tij Suleman Dawood, Hamish Harding dhe Paul-Henri Nargeolet, fatkeqësisht kanë humbur jetën.
Këta njerëz ishin eksplorues të vërtetë që kishin një dëshirë një dhe një pasion të thellë për të eksploruar dhe mbrojtur oqeanet e botës. Zemrat tona janë me të ndjerët dhe çdo pjesëtar të familjeve të tyre gjatë kësaj kohe tragjike. Ne do të kujtojmë me pikëllim dhe gëzim atë çka ata sollën për të gjithë publikun.
Kjo është një kohë jashtëzakonisht e trishtuar për punonjësit tanë të përkushtuar, të cilët janë të rraskapitur dhe të pikëlluar thellë për këtë humbje. E gjithë familja OceanGate është thellësisht mirënjohëse për burrat dhe gratë e panumërta nga organizata të shumta të komunitetit ndërkombëtar që kanë punuar kaq shumë në këtë mision.
Ne e vlerësojmë angazhimin e tyre të palodhur për ditë dhe netë me radhë për të gjetur këta pesë eksplorues.
Kjo është një kohë shumë e trishtuar për të gjithë komunitetin e eksploruesve dhe për secilin nga anëtarët e familjes së atyre që humbën në det.
Me respekt kërkojmë që të respektohet privatësia e këtyre familjeve në këtë kohë shumë të dhimbshme.
