Burri, emri i të cilit nuk është bërë publik, ka dëshmuar se babai i tij vdiq 18 muaj më parë në moshën 101-vjeçare.
Një ngjarje tronditëse është raportuar në Holandë. Mediat e huaja raportojnë se një holandez në qytetin e Landgraaf e mbajti babainë e tij të vdekur në një frigorifer për më shumë se një vit, duke pretenduar se në këtë mënyrë ai mund të fliste akoma me të.
Burri, emri i të cilit nuk është bërë publik, ka dëshmuar se babai i tij vdiq 18 muaj më parë në moshën 101-vjeçare.
“Nuk doja të humbisja [babain tim]. Përndryshe do të më mungonte ai”, tha burri, 82 vjeç.
Policia e Landgraaf thotë se ata po hetojnë situatën.
“Aktualisht jemi duke hetuar vdekjen e këtij personi dhe pse mbetjet u vendosën në një frigorifer,” tha policia Landgraaf në një deklaratë, raporton Evening Standard
Policia e mori vesh situatën kur ish-mjeku i të vdekurit lajmëroi policinë. Policia e Landgraaf thuhet se gjeti shtëpinë e 82-vjeçarit në rrëmujë dhe po i jep atij një javë kohë për të pastruar përpara se autoritetet të vlerësojnë nëse ai është i aftë për të jetuar vetë. Një fqinj tha se burri ishte i sëmurë me një tumor dhe shkonte rregullisht në spital.
