Kryeministri Edi Rama ka reaguar për masakrën e shënuar sot në një shkollë në Beograd, ku një 14-vjeçar ka qëlluar dhe ka vrarë 8 nxënës dhe rojen.
Rama i shpreh ngushëllime familjarëve të viktimave si dhe popullit serb për këtë ngjarje të rëndë, teksa u ka uruar shërim të shpejtë të plagosurve.
Ndër të tjera kreu i qeverisë shkruan se janë pikërisht momente të tilla kur kujtojmë që njerëzit janë gjëja më e vlefshmme.
“Është jashtëzakonisht e trishtueshme të dëgjosh për të shtënat e sotme pa dallim në një shkollë të Beogradit 💔Ngushëllimet e mia më të thella shkojnë për familjet e viktimave, si dhe për popullin dhe autoritetet serbe. I uroj shërim të shpejtë të plagosurve në këtë ngjarje tragjike🫶
Këto janë momentet në jetë kur ne të gjithë e kuptojmë se njerëzimi ynë është gjëja më e vlefshme që të gjithë kemi të përbashkët dhe kur dhimbja dhe pikëllimi na kujtojnë vlerën e bashkimit në kohë të mira dhe të këqija. U prefshin ne paqe ata qe kane nderruar jete” shkruan Rama në tëitter.
Kujtojmë që një 14 vjeçar në serbi, Kostas K., ka qëlluar fillimisht rojen dhe më pas ka shkuar në klasë ku po jepej mësimi historisë dhe ka qëlluar me breshëri plumbash mësuesen dhe nxënësit. Nga kjo ngjarje e rëndë humbën jetën 9 persona dhe u plagosën 15 të tjerë.
