Kryeministri Edi Rama ftoi këtë herë në podcastin “flasim”, stafin mjekësor të QSUT-s, të cilët e operuan pak ditë më parë, duke i hequr appendisitin.
Në nsije të podcastit, shefi i Shërbimit të Kirurgjisë, Arben Gjata i bëri dhuratë kryeministrit një çip, që është një video e gjithë operacionit që ai kreu në QSUT.
Gjata: Në fakt unë para se të filloja, do doja t’ju bëja një dhuratë që është një çip që është video e gjithë operacionit që është bërë.
Rama: Me thënë të drejtën unë pashë vetëm një moment vetëm nga skaneri se mua më pëlqejnë shumë skanerat, se janë si vepër arti, por kur më thatë se ky këtu është apendisiti, m’u duk një gjë aq e shëmtuar.
Gjata: Kjo është edhe më e bukur sesa skaneri kështu që..
Rama: Është edhe më i shëmtuar këtu se është më i..
Gjata: Është i edituar këtu po në fakt është standard, nuk është se u bë ndonjë privilegj. Standard është.
Rama: Pse, gjithmonë ka 3 mjekë, 3 kirugë?
Gjata: Përgjithësisht janë 3 kirurgë dhe 2 anestezist në operacione, sidomos në operacionet e shkallës së mesme e të lartë të vështirësisë, në apendicit mund të jenë edhe 2 anestezistë e 2 kirurgë. Duke qene se kjo ishte me laparoskopi, ne menduam që të ishim me 3 kirurgë dhe 2 anestezistë dhe jemi brenda standardeve. Nuk kemi bërë asnjë gjë të veçantë. Faktikisht ekipi ishte i përzgjedhur, u përgatit që përpara në mënyrë që ne të kishim mundësinë që t’u ofronim ndihmën më të mirë të mundshme dhe asistencën mjekësore më të mirë të mundshme.
