Kryeministri Edi Rama dhe ministrja e Financave Delina Ibrahimaj, kanë dalë këtë të premte nga Kryeministri për të prezantuar vendimet e Këshillit të Ministrave. Fokusi ishte reforma e re e pagave, hapi i parë i së cilës do të fillojë tani në prilll dhe hapi i dytë do jetë prillin e 2024.
Ministrja Ibrahimaj ka thënë se veç kategorive të tjera, është vendosur dhe një rritje page për Presidentin e Republikës në vlerën e 1.7 milionë lekëve të vjetra. Në total bashkë me këtë rritje, paga e Bajram Begaj do të jetë 425 mijë lekë të reja ose 4 milionë e 250 mijë lekë të vjetra.
“Elementët specifikë të rritjes së pagave do të detajohen me VKM në ligjin që sapo miratuam ne kemi miratuar një rritje të qenësishme të pagës së Presidentit të Republikës niveli i pagës të së cilit shkon 425 mijë lekë dhe gjithashtu kemi rishikuar hierarkinë e të gjithë institucioneve të pavarura duke krijuar një barazi ndërmjet tyre.
E gjithë administrata publike do të ketë në harkun kohor të dy viteve 22% -61% e cila është e përshkallëzuar në bazë të pozicioneve me logjikën e krijimit të një hierarkie të pastër dhe të duhur”, u shpreh ministrja e Financave Delina Ibrahimaj.
