Një burrë i quajtur “Mashtruesi rus i Tinderit” është arrestuar pasi dyshohet se ka mashtruar 300 gra me një dëm prej qindra mijëra paund.
Dmitry Frolov, 42 vjeç, u kap nga policia më 1 mars pas denoncimit nga një grua 31-vjeçare që pretendon se është një nga viktimat e tij.
Hetuesit besojnë se Frolov kishte udhëtuar nëpër Rusi duke përdorur emra dhe dokumente të rreme për më shumë se 10 vjet.
Ata thonë se ai bëri një jetë luksi pasi mashtroi rreth 300 gra nga dhjetëra miliona rubla.
Frolov është aktiv në Tinder, nga ku tek biografia e tij lexon: “I lodhur nga të qenit vetëm. Kërkoj një familje. Drejtoj biznesin tim të vogël”.
Sipas mediave ruse, ai luajti rolin e “djaloshit topolak të lezetshëm dhe të kujdesshëm” për të joshur gratë përmes aplikacionit të takimeve.
Një nga viktimat e supozuara të tij është pronarja 35-vjeçare e sallonit të bukurisë Alina Milennaya nga Volgograd në Rusinë jugperëndimore.
Frolov dyshohet se mashtroi Alinën dhe i mori apartamentin e saj me tre dhoma, makinën e saj të vetme dhe një hua prej 500,000 ₽ (5,300 £).
Ajo i tha tabloidit rus Komsomolskaya Pravda: “Sekreti i tij është në vetëbesimin e tij. Ai e kupton se çfarë dëshiron një grua, cilat janë prioritetet e saj”.
“Nëse ka një fëmijë, ai gjen një mënyrë për t’u lidhur me të. Ai identifikon dobësitë dhe i vë në shënjestër. “Ai është gjithashtu shumë i zhvilluar intelektualisht dhe i sjellshëm. Ai më bindi se si biznesmene kisha nevojë për një makinë të klasit premium dhe më bindi të shes të vjetrën”-tha ajo.
