Qendra Shqiptare e Studimeve Letrare “Pjeter Budi” do të zhvillojë një konferencë shkencore për vlerat që mbart vepra letrare dhe gjuhësore e Martin Camaj.
Konferenca do të mbahet në datën 28 tetor, në Akademinë e Shkencave dhe do të marrin pjesë të ftuar nga vende të ndryshme si Kosova, Maqedonia, Italia etj.
Teatri “Migjeni”do të shfaqë dramën “Kandili Argjandit” në orën 17 në sallën e Teatrit Eksperimental “Kujtim Spahivogli”që është dhe një nga veprat e spikatura të Camaj
Vepra e Martin Camaj ka qënë gjithmonë e rëndësishme dhe me vlera për rolin që ka patur në letërsinë shqipe.
Përmendim këtu një aktivitet te organizuar nga Bibloteka Kombëtare para 2 vjetësh, si mirënjohje ndaj dy figurave më të spikatura të letërsisë tonë. Martin Camaj dhe Ernest Koliqi kanë dhënë një kontribut të pashoq në organizimin dhe komunikimin kulturor të diasporës shqiptare, si një shërbim ndaj kulturës sonë të përbashkët. Vepra e Martin Camaj dhe Ernest Koliqit për gjitha vlerat estetike, gjuhësore që mbart duhet të ruhet si një pasuri e pazvendësueshme për të kuptuar më mirë letërsinë tonë.
