Shpërthimi në Mançester është kryer nga një atentator vetëvrasës, bën të ditur policia britanike. Sias të dhënave të fundit, atentatori hodhi veten në erë, kur spektatorët po dilnin nga arena, raporton DW.
Ky person e ka pasur në trup lëndën shpërthyese, bëri të ditur drejtori i policisë së Mançesterit, Ian Hopkins, mëngjesin e së martës. Bashkë me atentatorin, numri i viktimave të tjerra rritet në 22 vetë, ndër ta edhe disa fëmijë. Policia u shpreh, se duhet zbuluar, nëse ky person ka vepruar i vetëm, apo nëse pas tij fshihet një rrjet i caktuar.
Mediat bëjnë të ditur, se përkrahësit e të ashtuquajturit “Shteti Islamik” kanë festuar në rrjetet sociale, megjithëse deri në orët e para të së martës askush nuk e ka marrë përgjegjësinë për sulmin.
Ky atentat është sulmi më i rëndë terrorist nga viti 2005 në Britaninë e Madhe, kur katër atentatorë vetëvrasës në autobusët dhe metrotë e Londrës vranë 52 vetë. Vetë këngëtarja, ariana Grande shkruan e tronditur në Tëitter: “Nuk kam fjalë, më vjen tmerrësisht keq”.
