Spanja ka mbyllur në avantazh 1-0 pjesën e parë të gjysmëfinales ndaj Francës, në sfidën që po zhvillohet në Arlington, Texas.
“La Roja” e nisi më mirë takimin, duke marrë kontrollin e lojës dhe duke qenë më kërkuese që në minutat e para. Momenti vendimtar i pjesës së parë erdhi në minutën e 22-të. Pas një topi të gjatë të Marc Cucurella, Lucas Digne ndërhyri në mënyrë të parregullt ndaj Lamine Yamal brenda zonës dhe arbitri akordoi menjëherë penallti.
Nga pika e bardhë, Mikel Oyarzabal u tregua i saktë, duke mposhtur Maignan, i cili e kuptoi krahun, por nuk arriti të ndalte topin.
Problemet për Francën u shtuan edhe në minutën e 29-të, kur Ëilliam Saliba u detyrua të largohej nga fusha për shkak të një dëmtimi. Në vendin e tij u aktivizua Maxence Lacroix.
Pas 45 minutave të para, Spanja kryeson me meritë 1-0, ndërsa Franca ka zhgënjyer me paraqitjen e saj. Edhe dy yjet kryesorë të “Gjelave”, Kylian Mbappé dhe Michael Olise, kanë mbetur thuajse të padukshëm gjatë pjesës së parë.
