Java e 34-t e Kategorisë Superiore do t’i zbresë në fushën e lojës të gjitha skuadrat këtë të shtunë dhe të pesta ndeshjet do të zhvillohen në orën 16:00.
Vëmendja më e madhe është tek ekipet që ende nuk kanë arritur objektivat dhe llogaritë e hapura janë kryesisht për zonën e mbijetesës.
Tirana do të kërkojë t’i japë vazhdimësi fitores në derbi, këtë herë përballë Teutës.
Java që lamë pas i kushtoi kreun e klasifikimit Vllaznisë, por Erdenis Gurishta është i bindur që kuqeblutë do të rikthehen sërish në krye pas sfidës me Bylisin.
Kreu për momentin mbahet nga Elbasani që ka një sfidë delikate përballë Vorës që i ka jetike pikët për mbijetesën. Megjithatë, trajneri Ivan Gvozdenoviç ka besim.
Me shumë interes janë edhe dy sfidat e tjera, Dinamo-Egnatia dhe Partizani-Flamurtari.
