Në Indonezi, një përplasje mes dy trenave pranë kryeqytetit (Xhakarta) ka shkaktuar të paktën 14 viktima dhe 84 të plagosur.
Aksidenti ndodhi të hënën, 27 prill, në stacionin Bekasi Timur, kur një tren i linjës së gjatë u përplas me pjesën e pasme të një treni urban që ishte ndalur. Vagoni që u goditu ishte i dedikuar vetëm për gra, një masë që përdoret në transportin publik indonezian për të parandaluar ngacmimet.
Sipas autoriteteve, të gjitha viktimat janë gra. Ekipet e shpëtimit përfunduan nxjerrjen e trupave dhe të mbijetuarve nga rrënojat mëngjesin e sotëm.
Drejtori ekzekutiv i kompanisë shtetërore hekurudhore PT Kereta Api Indonesia, Bobby Rasyidin, konfirmoi se 84 persona të plagosur janë dërguar në spitale, ndërsa trupat e viktimave janë dërguar për identifikim.
Autoritetet konfirmojnë se 240 pasagjerët e trenit të gjatë nuk kanë pësuar lëndime.
Policia ka nisur hetimet për të përcaktuar shkaqet e aksidentit. Sipas Ministrisë së Transportit, ngjarja mund të ketë nisur kur një tren tjetër urban goditi një automjet të ndalur pranë stacionit, duke shkaktuar një seri ngjarjesh që çuan në përplasjen kryesore.
Hetimet po vijojnë nga Komiteti Kombëtar i Sigurisë së Transportit.
Aksidentet hekurudhore janë relativisht të shpeshta në rrjetin e vjetër hekurudhor të Indonezisë. Në vitin 2024, një tjetër përplasje trenash shkaktoi të paktën katër viktima.
