Qeveria e Libanit po përgatitet të formojë një delegacion për të negociuar me Izraelin, në një përpjekje për t’i dhënë fund luftës me Hezbollah-un e mbështetur nga Irani.
Sipas raportimeve, procesi për formimin e delegacionit është duke u zhvilluar, por ende nuk janë përcaktuar koha dhe vendi i takimit. Ndër opsionet që po shqyrtohen për zhvillimin e bisedimeve janë Parisi dhe Qipro.
“Negociatat janë duke u zhvilluar dhe procedurat për formimin e një delegacioni po përgatiten, por as koha dhe as vendi nuk janë finalizuar”, tha një zyrtar, duke shtuar se Libani kërkon gjithashtu një angazhim nga Izraeli për një armëpushim.
Ndërkohë, edhe qeveria franceze ka hartuar një plan për t’i dhënë fund konfliktit në Liban.
