Sllovakia do të përballet me Kosovën në Play Off të Botërorit, në mars. Trajneri i sllovakëve, Francesco Calzona është vendosur në qendër të vëmendjes së fundmi, pasi është kritikuar për paraqitjet e skuadrës.
Sipas asaj që shkruajnë mediat, e ardhmja e italianit në pankinë do të diskutohet në muajin shkurt, periudhë në të cilën do të mbahen zgjedhje në Federatën e Futbollit të Sllovakisë.
Nuk përjashtohet mundësia që Calzona të largohet nga drejtimi i përfaqësueses para ndeshjes ndaj Kosovës. Kujtojmë që sfida Sllovaki-Kosovë është e para direkte mes këtyre vendeve.
