Enzo Maresca, trajneri i Chelseat dha mendimin e tij para finales së madhe të Kupës së Botës për Klube ndaj PSG.
“Sigurisht, PSG është një nga ekipet më të forta në Evropë dhe ndoshta më e mira në botë tani.
Por mendoj se çdo ndeshje mund të jetë e ndryshme. Ne kemi respektin më të madh për ta dhe më pëlqen shumë t’i shikoj, por në të njëjtën kohë, jemi këtu për të dhënë gjithçka dhe për të provuar të fitojmë finalen”.
“Ka qenë një sezon fantastik dhe për mua suksesi më i madh i këtij sezoni. Pikërisht një vit më parë, askush nuk fliste për Chelsean në aspektin e futbollit, flisnin vetëm për të pasur një ekip të shkëlqyer dhe shumë para, gjëra të tilla.
Tani askush nuk i thotë më këto gjëra, të gjithë flasin për Chelsean, mënyrën se si luajmë, si i fitojmë ndeshjet dhe ky është personalisht suksesi më i madh. Dhe tani shpresoj që një tjetër të vijë në rrugën tonë”.
