Presidenti amerikan Donald Trump u shpreh sot në rrjetet sociale pas sulmeve iraniane ndaj bazës ushtarake amerikane në Katar, duke falënderuar Emirin e Katarit për përpjekjet në drejtim të paqes në rajon.
Në një postim të mëparshëm, Trump njoftoi se asnjë amerikan nuk u dëmtua gjatë sulmit me raketa, ndërsa në mesazhin e fundit ai dha sinjale pozitive.
“Urime botë, ka ardhur koha për paqe!”, shkroi presidenti duke shpresuar në një qetësim të tensioneve në Lindjen e Mesme, raporton BBC.
Deklaratat e Trump vijnë në një moment kur situata mes SHBA-së, Iranit dhe aleatëve në rajon është shumë e ndjeshme, pas goditjeve ajrore amerikane në objektet bërthamore iraniane gjatë fundjavës.
