Barcelona nuk do të marrë pjesë në edicionin e parë të Botërorit të Klubeve me 32 skuadra, që nis këtë të shtunë në SHBA me përballjen Al-Ahly – Inter Miami. Arsyeja është e thjeshtë: rregullorja e FIFA-s lejonte maksimumi dy klube nga i njëjti shtet, përveç rasteve kur më shumë se dy ishin fitues të Champions-it në periudhën 2020-2024.
Barça nuk ia doli, pasi u rendit pas Real Madridit (kampion në 2022 dhe 2024) dhe Atleticos së Madridit, që sipas koeficientit UEFA mori 6 pikë më shumë (67 me 61). Katalanasit u penalizuan nga dy eliminime në fazën e grupeve dhe dalje të hershme në edicionet e tjera, përfshirë humbje të dhimbshme ndaj Shakhtar Donetsk dhe Antwerp-it.
12 klubet evropiane që do marrin pjesë në Botërorin e vitit 2025 janë: Real Madrid, Atlético Madrid, Chelsea, Manchester City, Bayern Munich, PSG, Borussia Dortmund, Inter, Porto, Benfica, Juventus dhe Salzburg.
Gjithsesi, Barça tashmë ka sytë nga Botërori i radhës, që zhvillohet në vitin 2029. Rezultatet e Champions-it 2024-25 tashmë janë pjesë e renditjes për atë turne. PSG është i kualifikuar si kampion, ndërsa Interi (48 pikë), Arsenali (41) dhe Barcelona (41) janë favoritët për vendet e tjera, me katalanasit që kanë diferencë më të vogël golash sesa londinezët.
Në garën për dy vendet që u takojnë klubeve spanjolle, Barça aktualisht prin me 41 pikë, para Real Madridit dhe Atleticos që kanë nga 27. Megjithatë, nëse këto të fundit fitojnë Champions-in në dy nga tri sezonet e ardhshme, katalanasit rrezikojnë të mbeten jashtë për të dytin Botëror radhazi, edhe nëse kanë më shumë pikë.
Për Barcelonën, gara ka nisur tashmë. Dhe këtë herë, nuk ka më vend për gabime.
Renditja evropiane për Botërorin e Klubeve 2029:
Inter (Itali) – 48 pikë
PSG (Francë) – 43 pikë (Tashmë i kualifikuar)
Arsenal (Angli) – 41 pikë (+21)
Barcelona (Spanjë) – 41 pikë (+19)
Aston Villa (Angli) – 34 pikë
Bayern Mynih (Gjermani) – 31 pikë
Borussia Dortmund (Gjermani) – 31 pikë
Liverpool (Angli) – 30 pikë
Atlético Madrid (Spanjë) – 27 pikë (+8)
Real Madrid (Spanjë) – 27 pikë (+4)
Lille (Francë) – 23 pikë
Bayer Leverkusen (Gjermani) – 22 pikë
PSV Eindhoven (Holandë) – 21 pikë
Benfica (Portugali) – 19 pikë
Feyenoord (Holandë) – 19 pikë
Atalanta (Itali) – 18 pikë
Milan (Itali) – 18 pikë
Club Brugge (Belgjikë) – 17 pikë
Monaco (Francë) – 16 pikë
Brest (Francë) – 16 pikë
Juventus (Itali) – 15 pikë
Celtic (Skoci) – 15 pikë
Manchester City (Angli) – 14 pikë
Sporting CP (Portugali) – 14 pikë
Dinamo Zagreb (Kroaci) – 14 pikë
Stuttgart (Gjermani) – 13 pikë
Shakhtar Donetsk (Ukrainë) – 10 pikë
Bologna (Itali) – 9 pikë
Crvena Zvezda (Serbi) – 9 pikë
Sturm Graz (Austri) – 9 pikë
Sparta Pragë (Çeki) – 7 pikë
Leipzig (Gjermani) – 6 pikë
Girona (Spanjë) – 6 pikë
Salzburg (Austri) – 6 pikë
Slovan Bratislava (Sllovaki) – 3 pikë
Young Boys (Zvicër) – 3 pikë
