Një burrë në Teksas është akuzuar për vrasje, pasi i hodhi në pije të dashurës së tij shtatzanë një ilaç që çoi në vdekjen e foshnjës.
Ajo dëshironte ta mbante fëmijën pavarësisht se partneri nuk ishte dakord dhe madje i kishte ofruar edhe pagesat e e nevojshme për kryerjen e procedurës.Biseda mes çiftit u ndërpre dhe u la për një moment të dytë.
Pas takimit disa ditë më vonë në një kafene, ajo përjetoi gjakderdhje të madhe dhe shkoi në urgjencë ku u njoftua nga doktorët për humbjen e foshnjës.
Ajo ishte rreth gjashtë javë shtatzënë, dhe nga kontrollet e mëparshme foshnja ishte e shëndetshme dhe rrahje normale zemre.
Justin Anthony Banta u arrestua pas një hetimi disamujor mbi akuzën e ish partneres se i shkaktoi qëllimisht abortin e padëshiruar.
Ai gjithashtu akuzohet për manipulim të provave fizike.
Policia tha se çështjet kundër z. Banta mbetën aktive dhe në vazhdim.
Teksasi ka disa nga ligjet më kufizuese për abortin në SHBA, duke ndaluar të gjitha abortet përveç në rrethana të rënda mjekësore.Shteti miratoi një ligj në vitin 2022 që parashikon dënime civile dhe penale për ata që kryejnë aborte.
Një ligj i vitit 2021 ndalon gjithashtu ndërprerjen e shtatzënive pasi zbulohen rrahjet e zemrës së foshnjës, por bën përjashtime për urgjencat mjekësore.
