Një ngjarje e rëndë ka tronditur Prizrenin mëngjesin e së martës. Një shtetas turk dyshohet se ka goditur me thikë dy vajzat e tij, 15 dhe 10 vjeçare, ku si pasojë e lëndimeve të marra, dyshohet se 15-vjeçarja ka vdekur në vendin e ngjarjes.
Rastin e ka konfirmuar për Gazetën Online Reporteri.net, zëdhënësi i policisë në Prizren, Shaqir Bytyçi i cili tha se edhe 10-vjeçare është në gjendje të rëndë dhe ndodhet në QKUK.
Përveç dy vajzave, Bytyçi bëri të ditur se i dyshuari ka goditur edhe veten dhe ndodhet në spitalin rajonal të Prizrenit.
