Në spektaklin e së martës në Big Brother VIP Albania 4, banorët u vendosën përballë një loje interesante, ku iu shfaqën disa tituj lajmesh të publikuara jashtë shtëpisë. Ata duhej të përcaktonin nëse lajmet ishin të vërteta apo jo, për të siguruar sa më shumë buxhet për javën në vijim.
Megjithatë, Egli dhe Jozi nuk morën pjesë në lojë, pasi të dy kishin dalë më herët nga shtëpia dhe ishin rikthyer. Një nga lajmet që tërhoqi më shumë vëmendje ishte një deklaratë e bërë nga gazetarja Dasara Karaiska, e cila publikisht kishte thënë se Jozi është homoseksual.
Sapo u shfaq ky titull në ekran, banorët shpërthyen në të qeshura, duke e cilësuar si të pavërtetë. Megjithatë, ndryshe nga ç’pritej, ky ishte një lajm real, i raportuar jashtë shtëpisë, pavarësisht se Jozi e mohoi kategorikisht. Ai u duk i sikletosur nga situata dhe u përpoq ta kalonte me të qeshura.
