Omar Marmoush kaloi nga Frankfurt te City për 75 milionë euro. Sulmuesi egjiptian, tha fjalët e para, si lojtar i skuadrës nga Manchesteri.
“Kjo puna me Pep Guardiolën ishte një nga motivet më të mëdha për të pranuar ofertën e Cityt”.
“Pep është një trajner që zhvillon lojtarë dhe kam gjetur se çdo lojtar gjithmonë mund të bëhet më i mirë”.
“Gjithmonë ka disa fusha ku mund të bëhesh më i mirë dhe unë dua të mësoj prej tij, të marr të gjitha njohuritë e tij, sepse ai është një nga trajnerët më të mirë në histori do të thoja.
“Është një nder që ai tregoi interes për mua dhe më mori në këtë ekip dhe mezi pres të jap më të mirën në fushë”, tha Marmoush.
